ஷாருக் கானுக்கு இந்தியா மட்டுமின்றி, உலக அளவில் ஏராளமான ரசிகர்கள் உள்ளனர். இருப்பினும், அவர், எப்போதும் ரஜினி ரசிகராகவே இருக்கிறார்.
ரஜினி நடித்த படங்களை பார்த்து விட்டு, உடனுக்குடன், அவருடன் கருத்து பரிமாறி, தன் வாழ்த்துகளை தெரிவித்து வருகிறார்.
மேலும், தான் ரஜினியின் தீவிர ரசிகன் என்பதை, மற்றவர்களுக்கு தெரியப் படுத்தும் விதமாக, தான் நடித்த, ‘சென்னை எக்ஸ்பிரஸ்’ படத்தில், ஒரு பாடல் முழுக்க, ரஜினியின் புகழ் பாடும் விதமாக, தீபிகா படுகோனேயுடன் ஆடிப் பாடினார் ஷாருக்.
இந்நிலையில், சமீபத்தில், ரஜினியின், ‘கோச்சடையான்’ டீஸரைப் பார்த்த ஷாருக் கான், அசந்து விட்டார். இதைஅடுத்து, மும்பையில், அவர் அளித்த பேட்டி ஒன்றில், ‘கோச்சடையான்’ அனிமேஷன் படத்தின் டீஸரைப் பார்த்து, ஒரு ரசிகனாக மெய் சிலிர்த்து விட்டேன்’ என்று பாராட்டிஇருக்கிறார் ஷாருக் கான்.
