பாஜகவின் தேசிய செயற்குழு கூட்டம் புதுடெல்லியில் இன்று காலை துவங்கியுள்ளது.
இக்கூட்டத்தில் புதிய தலைவராக தேர்ந்தெடுக்கப்பட்ட அமித் ஷாவுக்கு கட்சி தலைவருக்கான செங்கோலை முன்னாள் தலைவர் ராஜ்நாத் சிங் வழங்கியுள்ளார்.
பின்னர் இறுதியாக பிரதமர் மோடி சிறப்புரையாற்றுகையில், 60 ஆண்டுகாலமாக ஆட்சிப் பொறுப்பில் இருந்து நாட்டிற்காக எதையுமே செய்யாதவர்கள், நம்மைப் பார்த்து 60 நாட்களில் என்ன செய்தீர்கள் என்று கேட்கின்றனர்.
இந்த 60 நாட்களில் நாம் செய்துள்ள பணிகளின் மூலம் நாம் சரியான திசையில் பயணிக்கிறோம் என்று நான் உறுதிப்படுத்துகிறேன்.
இந்த வெற்றி நாட்டு மக்களையே சாரும், அவர்கள் தான் நமக்கு இந்த வாய்ப்பை வழங்கியிருக்கிறார்கள்.
மேலும், நாட்டில் பாஜக ஆட்சிக்கு வந்தது முதல் உலக நாடுகளின் கவனம் முழுவதும் நம் மீது திரும்பியிருக்கின்றது என்று தெரிவித்துள்ளார்.
