இலங்கை கடற்பரப்பினுள் அத்துமீறி பிரவேசித்து மீன்பிடியினில் ஈடுபட்ட இந்திய மீனவர்கள் 26 பேர் கைது செய்யப்பட்டுள்ளனர்.வடமராட்சியின் பருத்தித்துறை கடல் பகுதியினில் மீனவர்கள் 26 பேர் இன்று ஞாயிற்றுக்கிழமை அதிகாலை கடற்படையினரால் கைதுசெய்யப்பட்டிருந்தனர்.

நாகபட்டிணம் , காரைக்கால் பகுதியில் இருந்து 3 படகுகளில் வந்தவர்களே இவ்வாறு கைது செய்யப்பட்டுள்ளனர்.கைது செய்யப்பட்டவர்கள்  கடற்றொழில் நீரியல்வளத்திணைக்களத்தினரிடம் ஒப்படைக்கப்பட்டு விசாரணைகளின் பின்னர்  ஊர்காவற்றுறை நீதவான் நீதிமன்ற நீதவானிடம் முற்படுத்தப்பட்டு யாழ்.சிறையினில் தடுத்து வைக்கப்பட்டுள்ளனர்.

-pathivu.com