பாகிஸ்தானுக்கு திடீர் பயணம் மேற்கொண்ட பிரதமர் மோடி அங்கு பாகிஸ்தான் பிரதமர் தாயார் காலில் விழுந்து ஆசி வாங்கியதாக தகவல்கள் வெளியாகியுள்ளன.

ஆப்கானிஸ்தானில் இருந்து இந்தியா திரும்பும் வழியில், பாகிஸ்தான் பிரதமர் நவாஸ் ஷெரீப்பை பார்ப்பதற்காக பிரதமர் மோடி பாகிஸ்தான் சென்றார்.நேற்று பாகிஸ்தான் பிரதமர் நவாஸ் ஷெரீப்புக்கு பிறந்த நாள் ஆகும்.

லாகூரின் புறநகர் பகுதியில் உள்ள நவாஸ் ஷெரீப்பின் ரைவிண்ட் மாளிகையில் பிரதமர் மோடி அவரை சந்தித்து பேசியுள்ளார்.

அப்போது அவருக்கு நவாஸ் ஷெரீப் விருந்து அளித்துள்ளார். அவர்கள் பேசிக் கொண்டிருந்த மண்டபத்துக்குள் நவாஸ் ஷெரீப்பின் குடும்பத்தினர் வந்த போது, நவாஸ் ஷெரீப்பின் தாயார் அருகில் சென்ற மோடி, அவரது காலை தொட்டு வணங்கி ஆசி பெற்றதாக மாளிகை வட்டாரங்கள் தெரிவித்துள்ளன.

-http://www.newindianews.com