நாம் தமிழர் கட்சி சார்பில் தடையை மீறி பாலமேட்டில் ஜல்லிக்கட்டு நடத்திய அக்கட்சியின் ஒருங்கிணைப்பாளர் சீமான் கைது செய்யப்பட்டுள்ளார்.

மதுரை மாவட்டம் பாலமேட்டில் நாம் தமிழர் கட்சி சார்பாக தடை மீறி ஜல்லிக்கட்டு நடத்தப்படும் என அதன் ஒருங்கிணைப்பாளரான சீமான் அறிவித்திருந்தார்.

இதனையடித்து மதுரை மாவட்டத்தில் பலத்த பொலிஸ் பாதுகாப்பு போடப்பட்டது, மேலும் பாலமேட்டில் காளைகளை அவிழ்த்துவிடும் வாடிவாசலிலும் ஆயுதம் தாங்கிய பொலிசார் நிறுத்தப்பட்டனர்.

இந்த நிலையில் மதுரை வந்தடைந்த சீமானை அவர் தங்கியிருந்த உணவு விடுதிக்கு சென்று கைது செய்ய பொலிசார் முடிவு செய்தனர்.

ஆனால் தடையை மீறி ஜல்லிக்கட்டு நடத்தினால் மட்டுமே தங்களை கைது செய்ய வேண்டும் என பொலிசாரிடம் சீமான் கூறியுள்ளார்.

இதனையடுத்து அங்கிருந்து புறப்பட்டு பாசிங்காபுரம் வந்த சீமானை பொலிசார் தடுத்து நிறுத்தி கைது செய்துள்ளனர்.

-http://www.newindianews.com