குஜராத்தில் பசு ஒன்றின் வயிற்றில் இருந்து 100 கிலோ எடை அளவிலான பிளாஸ்டிக் உள்ளிட்ட குப்பைகள் அறுவைச் சிகிச்சை மூலம் அகற்றப்பட்டது.
அகமதாபாத்தில் உள்ள ஜிவ்தா அறக்கட்டளை மருத்துவமனைக்கு சிகிச்சைக்காக கொண்டுவரப்பட்ட பசு ஒன்று வயிற்றுப் பகுயில் வீக்கம் காணப்பட்டது.
இதனால் பசு கர்ப்பம் தரித்திருக்கிலாம் என்று கருதிய மருத்துவர்கள் அறுவைச் சிகிச்சை செய்ய முடிவெடுத்தனர். இதையடுத்து அறுவைச் சிகிச்சை மேற்கொண்டதில், பசுவின் வயிற்றில் 100 கிலோ அளவுக்கு பிளாஸ்டிக், இரும்புக் கம்பிகள், மின்சார ஒயர்கள் உள்ளிட்டவைகள் அகற்றப்பட்டது.
மக்காத மற்றும் சுற்றுச்சூழலுக்கு கேடு விளைவிக்கும் இதுபோன்ற பிளாஸ்டிக் குப்பைகளை பாதுகாப்பற்ற முறையில் வீதிகளில் வீசுவதால், இதுபோன்ற விலங்குகள் அதை உண்ணும் நிலை அதிகரித்துள்ளது.
மட்டுமின்றி கிராமங்கள் கூட தற்போது புற்பூண்டுகளை இழந்து காண்கிரீட் காடுகளாக மாறி வருவதால் ஆடு மாடுகள் குப்பைகளையும் கழிவுகளையும் உண்ணும் நிலை ஏற்பட்டுள்ளது என விலங்கின ஆர்வலர்கள் ஆதங்கம் தெரிவித்துள்ளனர்.
-http://news.lankasri.com
