காவிரி பிரச்சனையால் கர்நாடகாவில் உள்ள கன்னட அமைப்புகள் மீண்டும் போராட்டங்களை தீவிரப்படுத்த முடிவு செய்துள்ளதாக தகவல்கள் வெளியாகியுள்ளது.

காவிரி பிரச்னையால் எழுந்த போராட்டங்கள் முடிந்து அமைதி திரும்பும் என எதிர்பார்த்த நிலையில், தற்போது வெளியாகியுள்ள இச்செய்தி பரபரப்பை ஏற்படுத்தியுள்ளது.

கன்னட செழுவழி அமைப்பினர் வாட்டாள் நாகராஜ் தலைமையில் நாளை பெங்களூரில் தொடர் போராட்டங்களில் ஈடுபட உள்ளனர். இதில் கன்னட வேதிகே, ஜெய் கன்னட அமைப்பு உள்ளிட்ட பல்வேறு அமைப்புகளும் பங்கேற்க உள்ளதாக தெரிய வந்துள்ளது.

இப்பிரச்னையின் காரணமாக, தமிழகம்-கர்நாடகா இடையே, இன்று 13வது நாளாக பேருந்து போக்குவரத்து நிறுத்தப்பட்டுள்ளது குறிப்பிடத்தக்கது.

மீண்டும் போராட்டம் தீவிரமடைவதால் இரு மாநில எல்லையிலும் துணை ராணுவத்தினர், பொலிசார் அதிகளவில் குவிக்கப்பட்டுள்ளனர்.

-http://news.lankasri.com