தமிழகத்தில், தேர்தல் நிறுத்திவைக்கப்பட்டுள்ள வேலூர் தவிர, பிற 38 மக்களவைத் தொகுதிகளுக்கும் நடைபெற்ற தேர்தலில் 71.87% வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.
நேற்று இரவு 9 மணிக்கு கிடைத்துள்ள தரவுகளின் அடிப்படையில் தமிழகத்தில் 70.90% வாக்குகள் பதிவாகியுள்ளன என்று தேர்தல் ஆணையம் தெரிவித்திருந்தது. தற்போது இறுதி வாக்குப்பதிவு விகிதம் தெரிவிக்கப்பட்டுள்ளது.
2014ஆம் நடந்த 16வது மக்களவைத் தேர்தலில் தமிழகத்தில் உள்ள 39 தொகுதிகளிலும் சேர்த்து 73.74% வாக்குகள் பதிவாகியிருந்தன.
ஏழு கட்டங்களாக நடக்கும் 17வது மக்களவைத் தேர்தலுக்கான இரண்டாம் கட்ட வாக்குப்பதிவு தமிழ்நாட்டில் இருக்கும் 38 தொகுதிகள் உள்பட, 11 மாநிலங்ககளில் இருக்கும் 95 தொகுதிகளுக்கு வியாழனன்று நடைபெற்றது.
| தொகுதியின் பெயர் | வாக்குப்பதிவு % |
|---|---|
| திருவள்ளூர் (தனி) | 71.68 |
| வட சென்னை | 63.47 |
| தென் சென்னை | 56.41 |
| மத்திய சென்னை | 59.25 |
| ஸ்ரீபெரும்புதூர் | 61.61 |
| காஞ்சிபுரம் (தனி) | 73.82 |
| அரக்கோணம் | 76.64 |
| வேலூர் | – |
| கிருஷ்ணகிரி | 75.59 |
| தர்மபுரி | 80.49 |
| திருவண்ணாமலை | 77.51 |
| ஆரணி | 78.80 |
| விழுப்புரம் (தனி) | 78.22 |
| கள்ளக்குறிச்சி | 78.22 |
| சேலம் | 77.33 |
| நாமக்கல் | 79.98 |
| ஈரோடு | 72.67 |
| திருப்பூர் | 72.93 |
| நீலகிரி (தனி) | 73.70 |
| கோயம்புத்தூர் | 63.99 |
| பொள்ளாச்சி | 70.78 |
| திண்டுக்கல் | 75.00 |
| தேனி | 74.75 |
| கரூர் | 79.11 |
| திருச்சிராப்பள்ளி | 68.89 |
| பெரம்பலூர் | 78.70 |
| கடலூர் | 73.64 |
| சிதம்பரம் (தனி) | 77.72 |
| மயிலாடுதுறை | 73.56 |
| நாகப்பட்டினம் (தனி) | 76.49 |
| தஞ்சாவூர் | 72.46 |
| சிவகங்கை | 69.34 |
| மதுரை | 65.83 |
| விருதுநகர் | 72.01 |
| ராமநாதபுரம் | 67.85 |
| தூத்துக்குடி | 69.03 |
| தென்காசி (தனி) | 70.98 |
| திருநெல்வேலி | 66.68 |
| கன்னியாகுமரி | 69.62 |
அதிகபட்சமாக தருமபுரி தொகுதியில் 80.49% வாக்குகள் பதிவாகியுள்ளன. வேறு எந்தத் தொகுதியிலும் 80%ஐ விடவும் கூடுதலான வாக்குகள் பதிவாகவில்லை.
குறைந்தபட்சமாக தென்சென்னை தொகுதியில் 56.41% வாக்குகள் பதிவாகியுள்ளன. மத்திய சென்னையில் 59.25% வாக்குகள் பதிவாகியுள்ளன. இந்த இரு தொகுதிகளில் மட்டுமே 60%ஐ விடவும் குறைவான வாக்குகள் பதிவாகியுள்ளன.
-BBC_Tamil
