ஐக்கிய முற்போக்கு கூட்டணி ஆட்சியில் பெண்களுக்கு பாதுகாப்பு இல்லை என்று பாஜக எம்.பி ஹேமமாலினி கூறியுள்ளார்.

நாட்டு நிலைமை சரியில்லை என்பதால் பெண்கள் நிலை மோசமாக இருப்பதாகவும், பெண்கள் யாரும் வீட்டை விட்டுப் போக வேண்டாம் எனவும் அவர் கூறியுள்ளார்.

மேலும் வெளியே போவதாக இருந்தால் தனியாக போக வேண்டாம், உற்ற துணையுடன் போகுமாறும் அவர் அறிவுறுத்தியுள்ளார்.

இது தொடர்பாக அவர் புனேவில் நடந்த நிகழ்ச்சி ஒன்றில் கூறுகையில், பெண்களுக்கு நான் தரும் அட்வைஸ் யாரும் வெளியே போக வேண்டாம். அப்படியே போவதாக இருந்தாலும் தனியே போகாதீர்கள்.

என்ன வேண்டுமானாலும் நடக்கலாம். நீங்கள் சிக்கிக் கொள்ள நேரிடும். எனவே தனியாக போவதைத் தவிருங்கள் என்று கூறியுள்ளார்.

ஹேமமாலியின் இந்த பேச்சானது சலசலப்பை ஏற்படுத்தியுள்ளது.