நெடுந்தீவு அருகே இன்று புதன்கிழமை மாலை தமிழக மீனவர்கள் மீன்பிடித்துக் கொண்டிருந்தனர். அப்போது அங்கு வந்த இலங்கை கடற்படையினர் 5 படகுகளுடன் 23 மீனவர்களை சிறைபிடித்து சென்றனர்.

சிறைபிடிக்கப்பட்ட மீனவர்கள் 23 பேரும் காங்கேசன் துறைமுகத்தில் வைக்கப்பட்டுள்ளனர். இதையடுத்து அவர்களிடம் இலங்கை கடற்படையினர் விசாரணை நடத்திய பின், காவல்துறையினரிடம் ஒப்படைக்கப்படுவார்கள் எனத் தெரிகிறது.

இதேபோல் தலைமன்னார் அருகே மீன் பிடித்துக் கொண்டிருந்த இராமேஸ்வரம் மீனவர்கள் 13 பேரையும், 3 படகுகளுடன் இலங்கை கடற்படையினர் சிறைபிடித்து சென்றுள்ளனர்.