திருச்செந்தூர் மற்றும் அதன் சுற்று வட்டாரப் பகுதிகளில் குழந்தைகளைக் கடத்திச் சென்று விற்பனை செய்து வந்த கும்பலைச் சேர்ந்த 10 பேரை காவல்துறையினர் அதிரடியாகக் கைது செய்துள்ளனர்.
கன்னியாக்குமரியில் குழந்தையைத் திருடும் போது கைது செய்யப்பட்ட குழந்தைத் திருட்டுக் கும்பலைச் சேர்ந்த ராஜம்மா என்பவரிடம் காவல்துறையினர் தீவிர விசாரணை நடத்தினர்.
அவர் அளித்த தகவலின் அடிப்படையில், குழந்தைகளைக் கடத்தி வந்த 5 பேரும், குழந்தைகளை பணத்துக்கு விற்பனை செய்து வந்த 5 பேரையும் காவல்துறையினர் அதிரடியாகக் கைது செய்தனர்.
அவர்களிடம் இருந்து கடத்தப்பட்ட குழந்தைகள் மனிஷா மற்றும் சந்துரு ஆகியோர் மீட்கப்பட்டனர்.
ஏற்கனவே, கன்னியாகுமரியில் கைதான ராஜம்மாவிடம் இருந்து சரண், அஸ்வினி ஆகிய குழந்தைகள் மீட்கப்பட்டன.
-http://www.dinamani.com
